5ـاعاد تفرق فـي ضيافتنا !!

ماعاد تفرق · 28-08-2009, 01:28 AM

اقتباس:

المشاركة الأصلية كتبت بواسطة عيوز مخترشه

الله حيهم

مابغيت ترد ماعاد من متى اتريااك

هالعصير بتشربه غصبن عنك >< تباهـ تباهـ ماتباهـ دق براسك <~ عصبت خخ

بالنسبه لأجوبتك ماشالله عليك يعني حيل اعجبتني <~ على قولتك

خلنا شوي نعقب عــ السوال الــ3 <~ ياويل حاله اللي بيعقب هع هع

ماعاد تفرق .. ترجمه لمواقف عشتها وتراكمت بداخلي منها الي يضحك ومنها الي يبكي

يعني اللي افهم انه من بعد المواقف اللي انته عشتها ماعاد يفرق عندك شي صح

شوفي ترى ما بين البلاغه والجنون ( شعره ) <<< فديت فلسفتي ..^_^
امممممم يعني
المواقف الي تكلمت عنها بليا ما ادخل بنفاصيلها مو شرط اكون انا طرف فيها .. لكن اعيش دور احد الاطراف
واستفيد من التجربه .. يعني اهتم بالي يدور من حولي بليا ما اشترك بمجريات الموقف .. ( هااا وصلت الفكره ) .؟؟
وانا قد قلت لج من قبل .. ماعاد تفرق .. بعيد كل البعد معنااه عن إلا مباالاه .. ^_*

<~ تصدق اشجع انه الانسان يكون جي ..بارك الله فيني كح كح

انزين ماعاد وبما انه انا انسانه عيبتني السالفه وماصدقت على الله

قلت خلنا نكملها حرام ينغلق الموضوع وانا احس انه لايوجد به قدر كافي من اجاباتك الثمينه =)

ماعاد عندي هالسؤال بس مادري ليش حابه انك تجاوب عليه بكل صراحه

/كل حد منا ..له ذكرياته الزينه والشينه من الماضي ..!
الزينه تونسنا اكيد ..بس الشينه للاسف يمكن تجلب حالنا ..كيف تقدر تتغلب على شي شين صار لك فالماضي ..؟

سبحانه من رزق الانسان نعمة النسيان

اخر سؤال بس ومابتشوف ويهي مره ثانيه هوون

/ ماهو هدف ماعاد تفرق .. الذي تسعى لتحقيقه من خلال المنتديات قمر الامارات ؟؟

خلال انضمامي للمنتدى .. اول شي قلته ..( ودي استفيد منكم .. واذا كان بمقدوري .. افيدكم )

واندمجت بسرعه وييا اعضاء المنتدى

وهدفي هو زيادة رصيدي من الاصدقاء و الاخوان الي ما يتثمون بثمن .

وباااااااااااااس ويلا مع السلامه

هههههههه حياج الله واستمتعت بضياافتج ..^_^

تم غلق الموضوع خع خع خع

اووووووووووف أخيرا هههههههه

ماعاد تفرق · 28-08-2009, 01:51 AM

اقتباس:

المشاركة الأصلية كتبت بواسطة سمو الأميره

رديت لكم من يديد
حراام عليكم شوي شوي على الرياال
الحينه وحليله صاايم وهلك من كثر الأسئله ؟

أناا ماا بطول عليك أسئلتي حلوه وخفيفة .؟

اااايه باااين

السؤال الأول : لوو خيرووك بين الطفوله و إلا الشبااب أي مرحلة بتختار وليش ؟

الطفوله .. بعد ما عشت مرحلة الطفوله والشباب وشفت وعرفت شنو الدنيا .. تبين ان الطفوله احلى

السؤال الثاني : هديه من شخص عزيز بعدك محتفظ فيهاا و شو هي ؟

جوال مدري شنو نوعه بالضبط اعتقد اسمه العجيب او الرهيب ..جاني من اخوي الي بالكويت .. والجوال الحين خربان ومافي آمل انه يصلح .. ومع ذلك محفوظ عندي

السؤال الثالث : إنت من الشباب إللي يهتم بالبس و المظهر , إلاا جمالك الداخلي طغى على هالشي ؟

ههههههههههه جمالي الداخلي .. هذا شي مو انا الي اقيمه او أرسم ملامحه .. لانه بيكون مترجم بيعون الي من حولي ويتعاملوا وياي .. اما بالنسبه للبس والمظهر ..( ان الله جميل يحب الجمال ) وبعد ( وبنعمة ربك فحدث )

السؤال الرابع : شو أصعب شي تخااف تواجه في الحياة و ليش ؟

اصعب شي الفراق .. وليش .. انطقي الكلمه واسمعي نغمتها .. عنبوووها من نغمه

السؤال الخامس : بما إنك تحب البر واايد تحب منوو يرافقك في الدرب ؟

الله يا البر .. احب يرافقني الشخص الي يكمل الرحله .. مو مثل مره طالعين البر ومعنا واحد من الشباب ما نزل من السياره .. ليش ..؟

يخااف من الزواحف .. وكله ماسك الجوال وعلى المسن <<< مو راكبه صورة البر مع المسن صح ..؟

السؤال السادس : شوو سر الحب الكبير بينك وبين فواز ؟ ( اللهم لاا حسد )

الرجال مواقف .. والحمد لله نظرتي بفواز ما خابت .. مع العلم انه ما يربطني فيه اي صلة قرابه او علاقه سابقه ومعرفتي فيه بدت من خلال المنتدى .. والشاهد الله هو خامس أخواني

السؤال السابع : حياتك من دوون .......... صعبة وما تنعااش ( أكتب الكلمه المناسبه )

حياتي من دون ( هلي وعزوتي ) صعبه وما تنعاش

السؤال الثامن : شوو تحب تقول أقرب صديق في حيااتك ؟

رحمة الله عليك .. وعسى الجنه مأواك

شفت ماا طولت عليك عطيتك 8 أسئله

اي نعم 8 اسئله مختااره يعناايه ..^^

يلاا لي عوده عسب أطمن على الأجووبه و أهم شي السؤاال الساادس

هههههههههههههه يا ذا السؤال السادس

مع السلااامه ( شوو مساافره سموو )
لاا بس جي أسلم عليكم هههههههههههههه

ربي يسلمج ويمد بعمرج .. شرشفتينا اوووه اقصد شرفتينا ..^^

ماعاد تفرق · 28-08-2009, 02:23 AM

اقتباس:

المشاركة الأصلية كتبت بواسطة أعـزإنســــان

مرحباااا

هلا مرااحب حي الله معزبنا

يعطيكم العافيه جميعااا ولا شكر على واجب

أمم ما عاد تفرق للأمانه شخصيه تستحق بأن الواحد يستفيد منها ويتعلم منهاا

اممم بمكن مشكلته لما يقول هاتهااا >> طوط طوط طوط إن الهاتف المطلوب لا يمكن الأتصال به الأن.

ــــــــــــــــــــــ

عندي كذ حاجات دي ندردش فيها أستاذ ماعاد وهي طبعا مو اسئله مباشره لكن تحتاج لبوح خاص منك .

يا لبى

أولا ياطويل العمر حنان الأم أخوي ما عاد تتوقع بأن هناك أحد يقدر يعوضك أياه مثلا زوجه حنونه خاله عمه أخت ؟؟

لا حشاا ابد ماهقيت .. هذا مثل سالفة الحرمه الي راحت لجل تفك زوجها وابنها واخوها من الاسر .. ويوم خيروها تفك واحد فقط قالت .. الزوج موجود .. والابن مولود .. والاخ مفقود ..

يعني الزوجه او الزوج ( لا يزعلو علينا الصبايا ) لو راح واحد منهم في بديل
الخاله والعمه .. يمكن بتعاملك من باب القرابه وقليل يمكن الي بتكون حنانها زايد لجل تعطيك
الاخ .. مصيرها بيت زوجها

لكن (الام المفقوده) .. منو يسد بمكانها ..؟؟؟؟؟؟؟؟

ومن هنااا أرفع أيدي لله سبحانه بأن يغفر لوالدينا ووالديك وأسأله الله يسكنهم فسيح جناته بحق

لا إله إلا الله محمد رسول الله .

اللهم آآمين .. يرحمهم ويرحم جميع موتى المسلمين

ثانيا تخيل اللحين يطلب منك بأن تراجع سجل حياتك من يوم فتحت لدنيا إلى هذا الوقت وشهو الشي الوحيد

اللي راح تخفيه من هالسجل يعني ( غلطة العمر ) لا تستحي قوووول .

لا ابد ما بستحي .. وابي من يشوف كلامي ياخذ منه العبره

غلطة عمري اني ما اجتهد بدراستي .. وتوقفت عند الثانويه العامه .. مابي اخلق لنفسي عذر .. بقولي ان الظروف ما ساعدتني .. لكن انا بعد كان لي يد بهذي الغلطه يوم رضخت للامر الواقع وتخليت عن دراستي

ثالثا أسمع يبعدي وانا أخوك

يلدموعه ليه يبين لي خضوعه ليه يجرح كبريائه في رجوعه

ذكريه بلحظه من لحظات يأسي فيها ما قدر دموعي يادموعه

أستاذي في الشطر الثاني رساله من الدموع لشخص ماء تخيل هالدموع دموعك

من اللي ما قدر دموعك !! بالرغم من البكاء أمامه .

زين .. بالنسبه لدموعي .. اذا حان الوقت الي تنزل فيه .. ابد ما اخفيها بغض النظر عن الزمان او المكان
بطلقها ولا اكبحها ابد ..

والي ما قدر دموعي ..( القدر )

يا عيـــن لو البكــــا يــــرد غالـي
طول العمر والله لخليك تبكـــيـن
واني لنوح ولسهرك بالليـــالـي
لين انك اتهلين دمعن تخــزنيـن

أسألك هل في الحب خضوع ! ومتى يكون ! والكبرياء في الحب مع أو ضد .

خضوع في الحب ..!!! عيب على الحبيب يرضى بالخضوع لحبيبه ولو كان هذا الخضوع له وامامه

كبرياء .. وبعد بالحب ..!؟!؟!؟
يا رجال معنى اني احب .. يعني لقيت الي يرضي غروري الفكري والعاطفي

وهل تقدر تقولي من الأنسان اللي ودك تبكي عنده .

الانسان الي اذا شافني اخطيت او لمح مني زله .. بيني وبينه ينصحني .. مو امام خلق ينصحني ويفضحني

رابعاا تخيل أنك جالكسي من تتمنى ياكلك

( حليمة بولند .. يارا ... نانسي عجرم ... باسكال مشعلاني )

ههههههههههههههههههههههههههههههههههههههههههه وربي من قلب

يالله عن خاطرك .. حليمه

خامسا تخيل أنك عصير كوكتيل مشكل من تتمنى يشربك

( عيوشه ... عيوشتي ... عواايش ... عوشوش )

عيوووشه <<< هذي مااركه مسجله

سادسا تخيل أنت الحين غرشه عطر جفنشي وما باقي فيها الا ضغطه وحده بس

لمن بتكون تلك الرشه .

للشخص الي يتمنى لي .. كما يتمنى لنفسه

( ................................. )

ملاحظه / على مبدأ الفراق الصعب ياخلي فمان الله

وعلى مبدأ فمان الله ياخلي تذكرني

>>> لي عوده من بيفكك مني

يا لبى .. تعاال حيااك الله ولا تسى تجيبها ويااك .. يعني هااااااتها ..

حالف أن أنشف ريقك ياشيخ

انتبه جواب الجالكسي ابيه ضروري .

ههههههههههههههههههههههههههههههههههههههههه

ماعاد تفرق · 28-08-2009, 02:52 AM

اقتباس:

المشاركة الأصلية كتبت بواسطة بنوتة بوظبي

هلا هلا
حي الله ماعـااد

ومن قال يحيا

عضووو خطيير الصراااحه ومـرح جدا

ما عليج زود .. بالله وساامج حق شنو ابي تذكريني بس ..

احسنت الاختياااار مستر فواز..

لا تخاافي جاايك الدوور

المهم ندخـل فـ المووضووع ع طول ..

عدلي عدلي الماايك ..

مـتى حسيييت عمرك مستاانس من الخااطر وودك تطيير من الفرحه(( قول الموقف اذاماعليك أمر>.> اذا شي))

ابشري ..

يوم ولادة بنت أخوي .. هو عنده ولدين وينتين .. وهي كانت المولود الثالث .. رحت له للدوام ابشره بالمولود الجديد
وقبل ما يشوفها .. قال لي : ابي منك انت تسميها
وحسبته يمزح .. لانه هو ابوها وهو الي يسميها .. وجرت عندنا العاده نستشير الكبار بالسن بالاسم .. يعني يتصل من دوله لدوله لجل يختار اسم المولود .. ويوم وصلنا المستشفى .. وسألونه عن الاسم .. أشر علي وقال اسألوه هو
عاد ارتسمت على فيسي ابتساامه عريضه ..كأنها مرمى الدعيع .. وسميتها ( سديم )

شو الحلم اللي حلمته اكثر من مرره وانت نااايم يعني >> سؤال خطير ههه ماله معنى

هههههههههههههههههه انتي بطلعي فظاايحي ولا شنو السالفه .. ؟؟

شوو المووقف اللي لو شو ماا صااار ماتنساااااااه ..

الموقف الي ما انساه .. موقف البااص لالا هههههههه

امممممممم اول يوم لي بالتدريب .. يعني يوم انتقلت من الحياة المدنيه الى الحياة العسكريه

يالله بسك عصرت راسي لين يبت هالاسئله

حشاااااا ليموونه مو رأأأس

الحيين الدور والبااقي عليك تعصر راسك وتجاوب ع الاسئله الفنتكـ هع

يالله نتريااك ..
سي يوو ,, ~

أن شاء الله اكون جااوبت على اسئلتج يا راعية الوساام هههههه

ماعاد تفرق · 28-08-2009, 03:45 AM

اقتباس:

المشاركة الأصلية كتبت بواسطة راعية الكلوزر

السلام عليكم ورحمة الله وبركاتة ..

ياهلا ومسهلا بالجمييييع ..

بسم الله :

1_ ابتسامة من ياترى تطفي حزن ** ماعاد تفرق** ؟؟

خواتي الله يخليهن لي

2_بـرأي ** ماعاد تفرق** الحياهـ صعبهـ أم نحن من يستصعبها ؟؟

الحياه تعني البشر .. يعني تخيلي عالم ما فيه بشر .. بتكون الحياه صعبه .. صح
وبنفس الوقت .. من كثر البشر اصبح كل واحد يبي الحياه على كيفه .. حتى لو على حساب غيره

3_ أختار اربعه من الاعضاء وقول لهم اللي بقلبك ... ؟

miss_3nabi ..
ودك اليامن جاتك الغلطة من الناس القراب
الصاحب اللي ماكسبت محبته ماتخســره

فجر ..
مو كل ليله .. بيطلع قمرها على كيف الساري

ملاك العنود ..
مره واحد حب يتمشى .. لكن يتمشى ما حبه

كل عضو غايب ..
لك وحشه

4_ بيت شعر يعجبك ولمن تهديه ..؟

يا ليت لـــي صهــــوة جــــواد واخطـــفك
للشــمس لنجــــوم المجــــرات للشهب

تحبني ..!! واقــــول مــن زود لطــــــفك
شكراًصدقت .. والف شكراً على الكذب

أهديه حق ( ناس ) ^_^

واخيرا لك مساحه بلآ حدود وحرية بلا قيود

امتعنا بقصيدة على ذوقك ؟!! >>> والاحسن لو تكون من قصائدك واعتبره طلب مني ^^

أبشري

جاني طلب عبــــر النت مطبــــــوع
المرسل غالـــي والمصـــدر بوظبي

وعطاه فكــــري الســمع والطـــوع
قومـــي فـــزي يا حـــروف وتأهبي

يامن بعضه .. يغنـــي عن جمــــوع
قبل قولج أبا .. إبشــري بالي تبـي

تــرى الفكر رايـــق والهم منــــزوع
وشيطـــان الشعـــر رقصه لولــبي

بغتنمها فرصه دام الحكي مشروع
واشـــارتي خضره تضـوي مسربي

وقــت الاذان قمت كمـا المصـــروع
وهديت فطوري ولا كملت مشربي

قالــوا علامك؟ قلت وقت الخشـوع
وطلبـت ربـي وصليـت علـى النبـي

صارت حـــرف تابع وحــــرف متبــوع
وتشكــلت جمـــلة فيــــها مطلبـي

لاتنسي كلمة آمين مــره بالاسبوع
ولا يدري بقصتــــها الجاهل الغبـي

البنات انـــواع .. واخت الرجـال نوع
قبل قولهــا أبا .. تبشر بالي تبـــي

وسلامتج

لي عودة يامال السلامه ..

حيااج الله بأي وقت ..^^

ماعاد تفرق · 28-08-2009, 03:52 AM

اقتباس:

المشاركة الأصلية كتبت بواسطة محبة الرسول الك

فضحـــك الأخ خخخخخخخخخخخ

شفتي بالله شلوون .. شسوي هذا حال الدنيا يوم لك وبتبطي وانت تعد الايام الي عليك

معليه معليه عشان نعرفك زين يا ماعاد

اسمــــــك منو؟؟؟

عاد انتي يا محبه سميني على كيفج .. <<< شفتي شلون الدعم ..؟ ^^

مضى من عمرك وعمرك نفس الشـــي <<الله يخليك يارب>>وان شاء الله مليون سنه ولا مليون واااايد 100وشي ههههههه
العمر كله

حشااا دينصوور مو أأدمي هههههههههه

عسى يومي قبل يومك

ربي يسلمج ويعافيج .. هذا من ذوقج وطيب أصلج

حلـــــــو اعزب ولا بتقتلنا زوجــــــتك هاا وراك خخخخخخخخخخخخ اسولف

هي وينهاااااا خل تجي بس .. ولا تخافي منها بفهما الموقف

ربي يحفظك

ربي يسلمج .. وسعيد بضياافتج ..

نزف الإبداع · 28-08-2009, 04:08 AM

هلا بك ضيفنا العزيز ماعاد

عدت بالقليل من الاسئلة

كبداية فقط

ماأغلى اسم لديك ؟

أغلى امرأة عندك ؟

أغلى مدينة تحبها ؟

أغلى لحظة عشتها ؟

أغلى كلمة قيلت لك ؟

أغلى مكان تحب تزوره ؟

أغلى لحظة فرح عشتها ولن تنساها ؟

أغلى يوم مر عليك ؟

هواية تمارسها حاليا وكم تعطيها من وقتك ؟

ماهي قناتك الإخبارية المفضلة ؟

برنامجك الثقافي المفضل ؟

حكمة أو بيت شعر تؤمن به وتسير على أساسها في حياتك ؟

ماهي الوظيفة التي تتمنى أنك حصلت عليها أو التخصص الذي تتمنى أنك درسته ؟

لي عوده باذن الله

تحياتي نزوووفه

ماعاد تفرق · 28-08-2009, 09:11 PM

اقتباس:

المشاركة الأصلية كتبت بواسطة نزف الإبداع

هلا بك ضيفنا العزيز ماعاد

عدت بالقليل من الاسئلة

كبداية فقط

ماأغلى اسم لديك ؟

بأسماء البنات الاسماء الي على وزن ( فُعال) مثل منال \ نوال \ دلال ..
وبأسماء الاولاد فيصل \ نواف \ راشد

أغلى امرأة عندك ؟

تذكري انك توجهي هذا السؤال حق رجل مو أثنى
وبعين الرجل أغلى امرأه المرأه المثاليه

أغلى مدينة تحبها ؟

مدينتي الي اعيش فيها ..

أغلى لحظة عشتها ؟

لحظة اجتماع الاهل والقرايب

أغلى كلمة قيلت لك ؟

الله يرضى عليك

أغلى مكان تحب تزوره ؟

مدينة البتراء الاثريه

أغلى لحظة فرح عشتها ولن تنساها ؟

يوم رديت من السفر من سوريا ودخلت الحدود الاردنيه

أغلى يوم مر عليك ؟

أغلى يوم للحين ارسمه بخيالي لكن للحين ما عشته .

هواية تمارسها حاليا وكم تعطيها من وقتك ؟

كرة القدم .. السباحه .. الشعر .. والصيد
وامارس هذي الهوايات كل ما كانت الفرصه مواتيه

ماهي قناتك الإخبارية المفضلة ؟

العربيه

برنامجك الثقافي المفضل ؟

بالنسبه للبرامج الوثائقيه .. في برامج الجزيره الوثائقيه .. وبرامج قناة ناشيونل جيوقرفك ابوظبي

حكمة أو بيت شعر تؤمن به وتسير على أساسها في حياتك ؟

إذا لم أجد خلا تقيا فوحدتـي ألذ وأشهى من غوى أعاشره

وأجلس وحــدي للعبــادة آمنـا أقر لعيني من جليس أحاذره

ماهي الوظيفة التي تتمنى أنك حصلت عليها أو التخصص الذي تتمنى أنك درسته ؟

مافي وظيفه محدده .. لكن احب العمل الميداني اكثر من عمل المكاتب
وبالنسبه لتخصص صحافه واعلام

لي عوده باذن الله

حيااك الله ..^^

تحياتي نزوووفه

^^

the lost moon · 30-08-2009, 08:46 PM

السلام عليكم والرحمه

عندي لك كم سؤال

اشوي الأسئله يبالها جرأه ..

1- هل صارت انه مر 3 ايام وانت مب قاري القرآن ؟

2- لو خيروك بين أمك وأبوك منو تختار .؟

3- لو خيروك بين الدراسه والزواج شو بتختار ؟

4- لو خيروك بين الصديق والحبيب شو بتختار .؟

5- لو خيروك بين شعبية الكرتون وفريج هع شو بتختار ؟

6- الأسئله محرجه أو إنها صعبه ؟

7- مع السلامه هع

ماعاد تفرق · 31-08-2009, 03:49 AM

اقتباس:

المشاركة الأصلية كتبت بواسطة فراشة بوظبي

السلام عليكم والرحمه

عندي لك كم سؤال

اشوي الأسئله يبالها جرأه ..

نسأل الله الستر هههههه

1- هل صارت انه مر 3 ايام وانت مب قاري القرآن ؟

اذا قصدج القرآن بمعنى القرائه مباشره من المصحف مباشره نعم صحيح صار ومرت على اكثر من ثلاث ايام

اما اذا قصدج قرائة القرآن بمعنى اياته .. هذي كل يوم بالصلاة

2- لو خيروك بين أمك وأبوك منو تختار .؟

جوابي على سؤالج هذا بتلقيه بجوابج على سؤالي التالي

اي أهم بالنسبه لج العين اليمين ولا العين الشمال ؟

3- لو خيروك بين الدراسه والزواج شو بتختار ؟

الدراسه

4- لو خيروك بين الصديق والحبيب شو بتختار .؟

الصديق

5- لو خيروك بين شعبية الكرتون وفريج هع شو بتختار ؟

اكيد شعبية الكرتوون

6- الأسئله محرجه أو إنها صعبه ؟

خليط مابين هذا وذااك ..^_*

7- مع السلامه هع

هلا والله وحياج الله ..^_^

شموخ أبدويه · 31-08-2009, 07:15 AM

يه يه يه يه شو هالزين يخزي العين معااااااااااااااااااااااااد هووووووووووووووووون

احم احم احم احم؟؟؟؟؟؟؟؟؟؟ هيااا نبدأ

1
ـ يا ورد من علمك تجرح ,,, لمن توجه هذه العبارة ؟؟

2ـ اعتذار الرجل للمرأة ذل أم احترام للذات ؟؟

3ـ رتب هذه الكلمات على حسب أهميتها عندك
المال - الحب - الصديق - المستقبل المهني - العائلة !!!!

4-أغمض عينيك دقيقه وتخيل قبلها انك صاحب الموقع
ما هو أول قرار ستتخذه ؟

5ـ أيهم أكثر وبصراحة استلامك للرسائل خاصة ام إرسالك للرسائل خاصة ؟

6ـ ما رأيك بالغيرة ؟

7-ماذا تقول لمن ظلمك ؟؟

8-سر لأول مره تقوله لنا؟؟

9ـ وجه نقد لكاتب الموضوع ؟؟

10ـ هل وضعك كلمة منقول لموضوع نقلته تزعجك ؟؟

11ـ ما هي الحيوانات التي قمت بتربيتها قبل ذلك ؟؟

12ـ كتاب حياتك بم تصفه في كلمات معدودة ؟

13 ـ قرار اتخذته وتسرعت به ومن ثم ندمت عليه ؟

14: لا اسمع لا أرى لا أتكلم متى تطبق هذه المقولة بحياتك؟

15ـ ما هو أكثر شي يحرجك ؟؟

16ـ لو الزمان عاد يوما ما الشيء الذي ستفعله ؟

مره أخرى وما لشيء الذي لن تفعله مره أخرى ؟

17-ملحوظة لاحظتها على عضو من الأعضاء من هو العضو

ماعاد تفرق · 31-08-2009, 07:58 PM

اقتباس:

المشاركة الأصلية كتبت بواسطة شموخ أبدويه

يه يه يه يه شو هالزين يخزي العين معااااااااااااااااااااااااد هووووووووووووووووون

احم احم احم احم؟؟؟؟؟؟؟؟؟؟ هيااا نبدأ

1
ـ يا ورد من علمك تجرح ,,, لمن توجه هذه العبارة ؟؟

حق واحد من ربعي

2ـ اعتذار الرجل للمرأة ذل أم احترام للذات ؟؟

ماعندي دليل على انه أحترام لذات لكن الاكيد انه ليس ذل

3ـ رتب هذه الكلمات على حسب أهميتها عندك
المال - الحب - الصديق - المستقبل المهني - العائلة !!!!

العائله \ المستقبل المهني \ الصديق المال \ الحب

4-أغمض عينيك دقيقه وتخيل قبلها انك صاحب الموقع
ما هو أول قرار ستتخذه ؟

غمضت وفتحت ما طلع بيدي شي .. ^^

5ـ أيهم أكثر وبصراحة استلامك للرسائل خاصة ام إرسالك للرسائل خاصة ؟

الصراحه ما فهمت هذا السؤال

6ـ ما رأيك بالغيرة ؟

مثل السكر او الملح .. يعني مطلوبه .. لكن كثرتها تلوووع الجبد

7-ماذا تقول لمن ظلمك ؟؟

منك لله

8-سر لأول مره تقوله لنا؟؟

انا اتعالج عند طبيب جلديه .. لاني اعاني من الثعلبه منذ 7 سنوات

9ـ وجه نقد لكاتب الموضوع ؟؟

حضورك متاخر بعض الشيء

10ـ هل وضعك كلمة منقول لموضوع نقلته تزعجك ؟؟

لا ما تزعجني .. لكن تذكرني بوجود اقلام اطمح للوصول لمستواها

11ـ ما هي الحيوانات التي قمت بتربيتها قبل ذلك ؟؟

القطااوه .. الهرره .. cats ^^

12ـ كتاب حياتك بم تصفه في كلمات معدودة ؟

السهل الممتنع

13 ـ قرار اتخذته وتسرعت به ومن ثم ندمت عليه ؟

يوم وافقت بأن يكون سايق السياره واحد من ربعي ..

14: لا اسمع لا أرى لا أتكلم متى تطبق هذه المقولة بحياتك؟

لشخص انصحه وانصحه ولا يستمع لنصيحه .. وحين يقع بالمحظور ويلتفت الي .. اقولها هذي الجمله

15ـ ما هو أكثر شي يحرجك ؟؟

الكلام الجارح .. الحكي الغير مووزون

16ـ لو الزمان عاد يوما ما الشيء الذي ستفعله ؟

امور كثيره

مره أخرى وما لشيء الذي لن تفعله مره أخرى ؟

نفس الشي امور كثيره

17-ملحوظة لاحظتها على عضو من الأعضاء من هو العضو

هذي بقولها بيني وبينج ( خلف الكواااليس ) ^_*

شموخ أبدويه · 08-09-2009, 01:30 PM

السلاام عليكم ورحمة الله وبركااته

سلمت يمنااك خيو فوااز على هالطرح

واختيااارك لضيفنااااااااااااااااااااااااااااااااااااااااااااا اااااااا

لي عوده

***أعـزإنســــان*** · 08-12-2009, 07:01 PM

إلى هنا نكون قد وصلنا إلى نهايه هذا المطاف

كل الشكر والتقدير لك ما عاد تفرق

كل العباراه لا تكفي لشكرك
ولكن يقولن بأن ما تخفيه الصدور في هذي اللحظات أبلغ من كل شي
هي دعوه من القلب بأن تتحقق كل امانيك

تقديري لشخصك الكريم

كيف اعبر والحكي مني يضيع
اسعفيني يا قواميس العرب
وش ابكتب فيك يالحر الرفيع
وانت وصفك من اعاجيب العجب
ـــــــــــــــــــ
إلى أن ناتقي مع ضيف جديد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

Add Ur Link
إدعمني	منتديات رادوي الرسمية	إعلان نصي	إعلان نصي
إعلان نصي	إعلان نصي	إعلان نصي	إعلان نصي

الذين يشاهدون محتوى الموضوع الآن : 1 ( الأعضاء 0 والزوار 1)

مساحة إعلانية

الإهداءات

5ـاعاد تفرق فـي ضيافتنا !!

قسم اعضاء تحت المجهر